பெறுதல், அறிதல், புரிதல் திரில்லர் சப்ஜெக்டில் ‘புனிதம் கேர்ள்’ நடிக்கும் முதல் படம் துவங்கியது!

‘பன்றிக்கு நன்றி சொல்லி’, ‘பருந்தாகிறது ஊர் குருவி’ ஆகிய படங்களில் ஹீரோவாக நடித்த நிஷாந்த் ரூஸோ நடிக்கும் புதிய படம் ‘சித்தார்த்.’

ராஷ் யூ டியூபில் ‘புனிதம் கேர்ள்’ என்றழைக்கப்படுகிற ராஷ் (Razz) இந்த படத்தின் மூலம் அறிமுகமாகி கதாநாயகியாக நடிக்கிறார். முன்னணி நட்சத்திரங்கள் பலரும் நடிக்கவுள்ளனர்.

கதை, திரைக்கதை, வசனம் எழுதி இயக்குகிறார் ஜூட் ரொமாரிக்.

இந்த படத்தின் படப்பிடிப்பு சென்னையில் இன்று காலை எளிய பூஜையுடன் துவங்கியது. படப்பிடிப்பு சென்னை, ஏற்காடு மற்றும் புதுச்சேரியில் தொடர்ந்து நடைபெற வுள்ளது.

படம் பற்றிய இயக்குநரிடம் கேட்டபோது, ”இது ஆக்ஷன் திரில்லர் படம். ஆசையே எல்லா அழிவுக்குமான காரணம் என்பதை சொல்லி விழிப்புணர்வு பெறுதல், அறிதல், புரிந்து கொள்ளுதல் ஆகிய மூன்றையும் திரைக்கதையாக கொண்டு உருவாகவிருக்கிறது” என்றார்.