குழந்தையிலேயே உடற்பருமன் உண்டாக காரணம் என்ன?
அதிக உடல் எடை, உடல் பருமனால் பெரியவர்கள் மட்டுமின்றி குழந்தைகளும் சமீப காலங்களில் அதிக அளவில் பாதிக்கப்படுகிறார்கள். அதற்கு முதன்மையான காரணம் அவர்களுடைய உணவு முறை. அடுத்து வாழ்க்கை முறை மாற்றங்கள், உடல் செயல்பாடுகள் மிக குறைவாக இருப்பது என பல காரணங்கள் இருக்கின்றன. குழந்தைகள் தானே என்று விட்டுவிடுகிறோம்.. ஆனால் அதனாலட வரும் விளைவுகள் அதிகம். அதனால் குழந்தைகள் உடல் எடை அதிகரிப்பால் அவதிப்படுவதை எப்படி தவிர்க்கலாம், என்ன மாதிரியான விஷயங்களில் அவர்களை ஈடுபடுத்த வேண்டும் என்பது குறித்து இங்கே விளக்கமாக தெரிந்து கொள்வோம்.
சுறுசுறுப்பாக இல்லாமல் எப்போதும் சோம்பலாகவே இருப்பது, மரபணுக்கள், தவறான உணவுப் பழக்கங்கள் போன்ற பல காரணங்களால் சிறு வயதிலேயே குழந்தைகள் உடல் பருமன் பிரச்சினைக்கு உள்ளாகிறார்கள். அதுமட்டுமின்றி, குழந்தைகள் துரித உணவுகள், வாழ்க்கை முறை, உடல் சார்ந்த விளையாட்டுகள் குறைவு, டிஜிட்டல் சார்ந்த அல்லது அமர்ந்தே விளையாடும் விளையாட்டுகளில் ஏற்படும் ஆர்வம் ஆகியவைகூட குழந்தைகளின் உடல் பருமனுக்கு காரணமாக அமையும்.
உடல் பருமனால் ஏற்படும் பிரச்சனைகள்
வயது அல்லது உயரத்தை மீறி அதிக எடையுடன் உடல் பருமனாக குழந்தைகள் இருந்தால் நீரிழிவு நோய், உயர் இரத்த அழுத்தம், தன்னம்பிக்கை குறைவு, டிஸ்மார்பியா மற்றும் மனச் சோர்வு போன்ற பிரச்சனைகள் குழந்தைகளுக்கு ஏற்படும்.
அதோடு, சில மரபியல் காரணிகள், வாழ்க்கை முறை, சமூக காரணிகள் மற்றும் சில மருந்துகள் கூட உடல் எடை அதிகரிப்புக்கு வழிவகுக்கும்.
குளிர்காலம் மற்றும் மழைக்காலங்களில் உடல் சார்ந்த செயல்பாடுகள் குழந்தைகளுக்கு பொதுவாக குறைவாகவே இருக்கும். அதுவும் கூட குழந்தைகளுக்கு உடல் பருமனை உண்டாக்கும்.
வயது அல்லது உயரத்தை மீறி அதிக எடையுடன் உடல் பருமனாக குழந்தைகள் இருந்தால் நீரிழிவு நோய், உயர் இரத்த அழுத்தம், தன்னம்பிக்கை குறைவு, டிஸ்மார்பியா மற்றும் மனச் சோர்வு போன்ற பிரச்சனைகள் குழந்தைகளுக்கு ஏற்படும்.
சுறுசுறுப்பாக இருப்பது
உடல் ரீதியாக சுறுசுறுப்பாக இருப்பதன் மூலம் உடல் எடையை அதிகரிக்காமல் வைத்துக் கொள்ள முடியும்.
சுறுசுறுப்பாக இருப்பதன் மூலம் மனநலம் ஒழுங்குபடுத்துகிறது, நல்ல தூக்கத்தை ஊக்குவிக்கிறது, நோய் எதிர்ப்பு சக்தியை உருவாக்குகிறது மற்றும் மன அழுத்தத்தை குறைக்கிறது.
குழந்தைகளை அதிகமாக டிவி அல்லது டிஜிட்டல் சார்ந்த கேட்ஜெட்டுகள், செல்போன் ஆகியவற்றை அதிகம் பார்க்கவிடாதீர்கள். நிறைய பெற்றோர்கள் குழந்தைகள் தங்களை தொந்தரவு செய்யாமல் இருப்பதற்கு அவர்களுக்கு கையில் செல்போனை கொடுத்துவிடுகிறார்கள்.
அது குழந்தையின் மன ஆரோக்கியத்துக்கு மட்டும் கெடுதல் கிடையாது. ஒரே இடத்தில் மணிக்கணக்கில் அமர்ந்திருப்பார்கள். உடல் இயக்கமின்றி, சுறுசுறுப்பின்றி இருப்பார்கள்.
சமச்சீர் உணவு அவசியம்
வீட்டில் சமைத்த? எல்லா வகை ஊட்டச்சத்துக்களும் நிறைந்த சமச்சீர் உணவுகளை சிறு வயது முதலே குழந்தைகள் சாப்பிடுவதற்கு பழக்கப்படுத்த வேண்டும்.
அடிக்கடி வெளி உணவுகளை வாங்கி உண்ணும் பழக்கத்தை ஏற்படுத்தவே கூடாது. குறிப்பாக பதப்படுத்தப்பட்ட பாக்கெட் உணவுகள், பாஸ்ட் புட் உணவுகள், கூல் டிரிங்ஸ் போன்றவற்றை அவர்களுக்கு பழக்கப்படுத்தி அடிமையாக்கி விடாதீர்கள்.
வீட்டிலேயே தயாரித்த சூடான மற்றும் சத்தான உணவுகள், சூப்கள் மற்றும் பச்சை காய்கறிகள், கீரைகள், பழங்களை உணவாக எடுத்துக் கொள்வதை பழக்கப்படுத்துங்கள். இவை உடல் பருமனை தவிர்ப்பதோடு, உடலுக்கும் ஆரோக்கியமானது என்பதை குழந்தைகளுக்கு எடுத்துக் கூறுங்கள்.
நீங்களே முன்மாதிரியாக இருங்கள்
குழந்தைகளுக்கு ஏதாவது நல்ல பழக்க வழக்கங்களை பழக்கப்படுத்த வேண்டும் என்று நினைத்தால், முதலில் நாம் அதை சரியாக பின்பற்ற வேண்டும். நம்மை பார்த்து தான் நம்முடைய குழந்தைகளும் வளர்வார்கள்.
நாம் எதையும் சொல்லிக் கொடுக்கும் முன்பே நாம் என்ன செய்கிறோமோ அதை பார்த்து நமக்கே தெரியாமல் குழந்தைகள் அதை செய்யத் தொடங்கிவிடுவார்கள். அதனால் நீங்கள் அவர்களுக்கு முன் நல்லதை மட்டும் செய்யுங்கள்.
உதாரணத்துக்கு காலையில் எழுந்ததும் அவர்களையும் அருகில் வைத்துக் கொண்டு உடற்பயிற்சிகள் செய்வது, நடைப்பயிற்சி போவது ஆகியவற்றை செய்யலாம். அதேபோல ஆரோக்கியமான உணவுமுறையை கொண்டிருப்பது போன்றவற்றை செய்ய வேண்டும்.
நீங்கள் டீ, காபி, முறுக்கு என எதையாவது சாப்பிட்டுக் கொண்டு குழந்தையை எதையும் தொடக்கூடாது, உடம்புக்கு நல்லது இல்ல என்று சொல்வது தவறு. அதை குழந்தைகள் பின்பற்றவும் மாட்டார்கள்.
மன ஆரோக்கியத்தில் கவனம் செலுத்துதல்
குழந்தைகளின் மன நலனில் கவனம் செலுத்துவதொடு மட்டுமின்றி, அவர்களுக்கு மன அழுத்தமில்லாத சூழலை வழங்கவும், உருவாக்கவும் முயற்சி செய்யுங்கள்.
மன அழுத்தம் அல்லது மனச் சோர்வு குழந்தைகளின் தூக்கத்தில் பாதிப்பை ஏற்படுத்தும். தூக்கத்தில் பாதிப்பு ஏற்படுவதால் கூட உடல் பருமன் அதிகரிக்கும்.
குழந்தைகளை ஆரோக்கியமான பொழுதுபோக்குகள். விளையாட்டுக்கள் ஆகியவற்றில் ஈடுபடுத்துவதன் மூலம் அவர்களை மன அழுத்தத்தில் இருந்து காக்கலாம்.
முன்கூட்டிய திட்டமிடல் அவசியம்
உங்களின் குழந்தைகளை வெளியூர் பயணங்களுக்கு கூட்டிச் செல்கிறீர் எனில், வானிலைக்கு ஏற்ப முன்கூட்டியே திட்டமிடுங்கள்.
குளிரான இடங்களுக்குச் சென்றால் உடலைப் பாதுகாக்க அதற்குத் தகுந்த உடைகளை அணியச் சொல்வது, அந்தந்த வயதுக்கு உரிய தடுப்பூசிகளை போடுவது, சுகாதாரமாக இருப்பது போன்றவற்றை கடைபிடியுங்கள்.
இவை உடல் ஆரோக்கியத்தில் மட்டுமல்ல. எடையிலும் மாற்றங்களை உ்ணடாக்கும். திடீரென் எடை குறைவது, கூடுவது போன்ற பிரச்சினைகள் வரக்கூடும்.
தேவையற்ற வலி நிவாரணிகள்
சில குழந்தைகளுக்கு குளிர்காலத்தில் ஏற்படும் நோய் தொற்றுகளால் சளி, காய்ச்சல் போன்ற பருவகால நோய்கள் ஏற்படும். அதற்கு மருத்துவரிடம் கேட்காமல் நீங்களாகவே மருந்துகள், வலி நிவாரணிகளை மெடிக்கல் ஷாப்களில் வாங்கி கொடுப்பதை தவிர்க்க வேண்டும்.
நன்றி: Aadhavan Siddhashram Pvt Ltd சித்த மருத்துவர் அருண் சின்னையா
13
