‘ஆனந்தம் கூத்தாடும்…’ சமூக வலைதளங்களில் டிரெண்டிங்காகும் ‘பகாசூரன்’ படத்தின் பாடல்!

இயக்குநர் செல்வராகவன் கதாநாயகனாக நடித்து, வரும் பிப்ரவரி 17-ம் தேதி திரையரங்குகளில் வெளியாகவிருக்கும் படம் ‘பகாசூரன்.’

‘பழைய வண்ணாரப்பேட்டை’, ‘திரௌபதி’, ‘ருத்ர தாண்டவம்’ படங்களின் மூலம் தமிழ் சினிமா ரசிகர்களை திரும்பிப் பார்க்க வைத்தவர் இயக்குநர் மோகன். ஜி இயக்கியிருக்கும் இந்த படத்தில் இடம்பெற்றுள்ள, ‘ஆனந்தம் கூத்தாடும்’ என்ற பாடல் வெளியாகி அனைவரது பாராட்டை பெற்றதோடு சமூக வலைதளங்களிலும் டிரெண்டிங் ஆகிவருகிறது.

‘பகாசூரன்’ படத்தில் இயக்குநர் செல்வராகவன் கதாநாயகனாக நடிக்கிறார். ‘கர்ணன்’ படத்திற்கு பிறகு நட்டி முக்கிய கேரக்டரில் நடிக்க, கதையை நகர்த்திச் செல்லும் முக்கிய கதாபாத்திரங்களில் ராதாரவி, கே.ராஜன் நடித்துள்ளனர். மற்றும் மன்சூர் அலிகான், தேவதர்சினி, கூல்ஜெயந்த், பி.எல்.தேனப்பன், சசி லையா, ரிச்சா ஜாக்கோப், அருணோதயன், குட்டி கோபி நடித்துள்ளனர்.

சாம்.சி.எஸ் இசையமைக்க, ஃபருக் ஜே பாட்ஷா ஒளிப்பதிவு செய்திருக்கிறார். படத்திற்கு எஸ்.தேவராஜ் எடிட்டிங் செய்ய, கலை இயக்குனராக எஸ்.கே பணியாற்றுகிறார். மிரட்டல் செல்வா சண்டை பயிற்சி செய்ய, ஜானி மாஸ்டர் நடனம் அமைத்துள்ளார்.