நிதின் சத்யா நடிக்கும் ‘கொடுவா’ படத்தின் ஃபர்ஸ்ட் லுக்கை வெளியிட்ட ஜி.வி. பிரகாஷ் – ஐஸ்வர்யா ராஜேஷ்!
‘சத்தம் போடாதே’, ‘சென்னை 28’ உள்ளிட்ட படங்களில் நடித்து மக்கள் மனங்களில் இடம்பிடித்த நிதின்சத்யா இப்போது கதாநாயகனாக நடிக்கும் படம் ‘கொடுவா.’
இராமநாதபுரம் மாவட்டத்தின் இறால் வளர்ப்புப் பண்ணையில் வாழும் இளைஞன் அவனது காதல், குடும்பம், அவன் சந்திக்கும் பிரச்சனை, பழிவாங்கல் என ஒரு அழுத்தமான ஜனரஞ்சக படைப்பாக இப்படம் உருவாகியுள்ளது.
இந்த படத்தை மிகமிக பரபரப்பான திரைக்கதையுடன் அனைவரையும் கவரும் வகையில் இயக்கியுள்ளார் இயக்குநர் சுரேஷ் சாத்தையா.
இராமநாதபுரம் மாவட்டத்திலுள்ள உண்மையான இறால் வளர்ப்புப் பண்ணையில் தங்கி படப்பிடிப்பு நடத்தியுள்ளார்கள்.
கதாநாயகன் நிதின்சத்யா இராமநாதபுரம் இறால் பண்ணைகளில் பயிற்சி எடுத்துக் கொண்டு அந்த மண்ணைச் சேர்ந்த மனிதனாகவே மாறி நடித்துள்ளார்.
முக்கிய பாத்திரத்தில் சம்யுக்தா சண்முகநாதன் நடிக்க ஆடுகளம் முருகதாஸ், சுப்பு பஞ்சு, ஸ்வயம் சித்தா, வினோத் சாகர், நயன சாய், சுபத்ரா, ஆடுகளம் நரேன், சந்தான பாரதி, சுதேஷ் உள்ளிட்ட பலர் நடித்துள்ளனர்.
இந்த படத்தின் டைட்டில் டீசரை இசையமைப்பாளர் யுவன் சங்கர் ராஜா வெளியிட்டார். ஃபர்ஸ்ட் லுக் போஸ்டரை நடிகர் இசையமைப்பாளர் ஜிவி பிரகாஷ் குமார் மற்றும் நடிகை ஐஸ்வர்யா ராஜேஷ் வெளியிட்டனர்.
டைட்டில் டீசர் மற்றும் ஃபர்ஸ்ட் லுக் போஸ்டர் ரசிகர்களிடம் பெரும் வரவேற்பைப் பெற்றுள்ளது.
பிளேஸ் கண்ணன் மற்றும் ஸ்ரீலதா பிளேஸ் கண்ணன் தயாரிக்கும் இந்த படத்தின் படப்பிடிப்பு நிறைவு பெற்றுள்ளது. அதையடுத்து படத்தின் இறுதிக்கட்ட பணிகள் தற்போது தீவிரமாக நடைபெற்று வருகிறது. படத்தின் டிரைலர் மற்றும் இசை வெளியீடு குறித்த அறிவிப்புகள் விரைவில் தெரியவரும்.
படத்தின் தொழில் நுட்பக்குழு:
தயாரிப்பு – பிளேஸ் கண்ணன் (Dwarka Productions LLP)
இயக்கம் – சுரேஷ் சதையா
இசையமைப்பாளர் – தரண் குமார்
ஒளிப்பதிவு – கார்த்திக் நல்லமுத்து
படத்தொகுப்பு – V J சாபு ஜோசப்
கலை இயக்கம் – சுரேஷ் கல்லரி
மக்கள் தொடர்பு – சதீஷ் – சிவா (AIM)
